Een van ons nuwe realiteite in hierdie wêreldwye krisis is die talle ondernemings wat hul kantore moes sluit en van die huis af moet werk.
Die gevolglike ontploffing in die aantal mense wat vanuit hul huisomgewings werk, bring baie ernstige uitdagings vir ondernemings mee. Gelukkig is daar egter baie leiding beskikbaar oor hoe om ‘n hoë vlak van moraal, lojaliteit en produktiwiteit by u personeel van die huis af te handhaaf.
Navorsers aan die Universiteit van Harvard het byvoorbeeld vyf hoofareas geïdentifiseer as die sleutel tot die bereiking van die beste moontlike resultate uit ‘n afgeleë werksituasie. Lees verder vir ‘n paar gedagtes daaroor.
In hierdie nuwe wêreld van COVID-19 werk baie mense van die huis af. Selfs nadat die virus genees is, sal hierdie neiging waarskynlik voortduur.
Belangrike punte
- Beide bestuurders en personeel mis vergaderings van aangesig tot aangesig; bestuurders is bekommerd oor hoe effektief hul mense werk en werknemers mis die ondersteuning en leiding wat hulle van bestuurders ontvang.
Bestuurders moet struktuur en dissipline bekendstel in hul interaksie met hul personeel: Om elke dag ‘n tyd op te stel (of wat ook al nodig is) om met mekaar te skakel – wat hulle op datum bring met gebeure in die onderneming. Nie net verbeter dit produktiwiteit nie, maar dit verhoog ook die personeel se moraal en lojaliteit.
- Toegang tot inligting kan moeilik raak tussen personeellede: Byvoorbeeld, ‘n relatief nuwe werknemer vra ‘n personeellid vir inligting wat die versoek aanvanklik ignoreer totdat die nuwe personeellid meer aggressiewe e-posse uitstuur.
Bestuurders moet bewus wees van hierdie tipe konflik en op nuwe werknemers fokus om moontlike probleme uit te stryk.
- Werknemers word eensaam en kan mettertyd voel dat hulle uitgesny word, wat sleg is vir hul stresvlakke en tot ‘n daling in produktiwiteit kan lei.
As bestuurders nie oor goeie luistervaardighede en empatie beskik nie, moet hulle dit by hul wapenrusting voeg en op die uitkyk wees vir eensaamheid wat manifesteer by personeellede wat aan hulle rapporteer.
- Personeel wat van die huis af werk se aandag kan afgelei word deur hul gades en familie.
Die onderneming moet toesien dat die werknemer die nodige tegnologie en IT-sekuriteit in sy / haar huis het. Om ‘n spasie in hul huise te hê waar hul op werk kan konsentreer, sonder onderbrekings, is ook belangrik.
- Personeel het tyd nodig om hul persoonlike lewens van hul kollegas in te haal en die bestuurder moet tyd hiervoor toelaat wanneer daar video-oproepe is. Dit sal versterk dat werknemers aan ‘n span behoort en deel is van hulle.
Daar is baie om te leer in terme van vaardighede en om die moraal en produktiwiteit van personeel op hoë vlakke te hou wanneer werknemers tuis werk.