BGR Nortje Ingelyf se oorsprong kom vanaf 1992 en het al vir die afgelope 31 jaar gepraktiseer. Ons spesialiseer in oudit en ander gerusstelling dienste vir klein en medium grootte entiteit.
SAMEWERKING GEE ONS DIE VOORSPRONG
Die BGR-genootskap maak, deur hul kennis en kragte saam te snoer, dit vir ’n aantal klein en mediumgrootte Bolandse ouditeursfirmas moontlik om by bewese ervaring en opleiding te baat. Sedert hulle in 2004 in werking getree het, het die BGR-handelsmerk homself gevestig om gehalte, ervaring en kennis van die hoogste standaard teen ’n bekostigbare prys te lewer.
Oor die jare het die kantore van die BGR-genootskap se diensgebiede uitgebrei van primêr ouditdienste tot ’n volledige reeks besigheidsoplossings. Die gemeenskaplike kliëntebasis strek landswyd en bedien alle industrieë en sektore. BGR fokus daarop om spesialiskennis in elke diensgebied te verseker om sodoende aan elke kliënt se unieke behoeftes te voldoen.
PROFIEL
BGR Jacobs en Vennote het sy ontstaan gehad uit die firma van Mnr Eric Olivier wat sedert 1992 op sy eie gepraktiseer het. Gedurende 1998 is ‘n maatskappy gestig en is die maatskappy se naam in 2000 verander na JF Jacobs & Vennote Ingelyf en is daar tot 2014 onder die naam Jacobs & Vennote gepraktiseer waarna die naam na BGR Jacobs Bester Griessel Ingelyf verander is.
Die huidige direkteur, Gerrit Nortjé bestuur die firma sedert 1 Januarie 2021 onder die naam BGR Nortjé Incorporated.
Worcester is geleë in die Breerivier-vallei op die N1 tussen Kaapstad en Johannesburg, sowat 100 km vanaf Kaapstad en op die bekende Roete 62 tussen Wolseley en Robertson. Die dorp word omring deur die Brandwacht-, Overhex- en Langeberge met die Hex- en Breederivier wat langs die dorp verbyvloei.
OUDIT
Ons verstaan dat ouditering kompleks kan wees, en ons is toegewyd om ons kliënte te help om ouditering op ‘n doeltreffende en effektiewe manier te verstaan. Ons ander gerusstellingsdienste is ontwerp om gerief en gemoedsrus in ‘n verskeidenheid verskillende situasies te bied. Ons glo dat elke kliënt toegang tot gerusstellingsdienste verdien, en ons streef daarna om hierdie toegang te verskaf op ‘n manier wat beide bekostigbaar en gerieflik is.
